21 ივნისს თბილისში, კომპანია „ბიომედიკას“ საკონფერენციო სივრცეში გაიმართა პრაქტიკული სემინარი ბიორეგულაციური თერაპიის საინექციო მეთოდების შესახებ „ბიოპუნქტურა – ბიორეგულაციური პრეპარატების პარენტერალური გამოყენების ეფექტური მეთოდი“.

ღონისძიების მომხსენებელი გახლდათ კომპანია „ბიომედიკას“ სამეცნიერო-სასწავლო განყოფილების ხელმძღვანელი ქალბატონი მანანა ჩახნაშვილი. პრაქტიკული სემინარი მიეძღვნა საყრდენ-მამოძრავებელი სისტემის დაავადებების დროს ბიორეგულაციური პრეპარატების საინექციო ფორმების სპეციფიურ, ლოკალურ დონეზე გამოყენების მიდგომებს. სემინარს ესწრებოდა სხვადასხვა პროფილის წამყვანი სპეციალისტები.

ღონისძიების ბოლოს გაიმართა დისკუსია და ექიმებმა გაცვალეს მოსაზრებები მათთვის საინტერესო საკითხებზე.